Coidar cadapaso quedás.
Clínica podolóxica en Padrón, parada do Camiño Portugués. Só atendemos con cita previa.
Miriam
Queiruga
Piñeiro
Podóloga colexiada n.º 838151223
Leva a clínica desde o primeiro paso ata o último. Unha profesional recoñecida polos seus compañeiros de profesión e polos seus pacientes.
- Rexistro sanitario
- C-15-004754
- Podóloga colexiada
- N.º 838151223
- Desde 2023
- Padrón
O que tratamos.
Quiropodia
Unllas, durezas e calos. Coidado cada 6–8 semanas.
Pé diabético
Exploración e prevención de úlceras.
Podoloxía deportiva
Análise da pisada e prevención de lesións.
Biomecánica
Estudo da marcha e palmillas á medida.
Podoloxía infantil
Pé plano, marcha e calzado.
Cirurxía menor
Unlla encravada con fenolización.
Onicomicose
Tratamento de fungos nas unllas.
Verrugas plantares
Crioterapia e resolución sen cicatriz.
Achégate a vernos.
Tratamento 
Gabinete 
Primeira consulta 
Recepción 
Sala de tratamento 
Cita previa
Onde che doe?
Se che doe un pé, o talón ou unha unlla, non o deixes pasar. Estas son as consultas que máis vemos na clínica.
Dóeme a planta do pé ou o talón ao levantarme
É un dos motivos de consulta máis habituais. Adoita deberse a unha fascite plantar, a un esporón calcáneo ou a unha pisada que sobrecarga o pé. Estudamos a túa marcha, buscamos a causa e tratámola con palmillas á medida, pautas de estiramento e consellos de calzado.
Teño unha unlla encravada
Se a unlla se crava, se avermella ou supura, non agardes nin a cortes ti. Tratámola en consulta e, se volve encravarse, solucionámola de forma definitiva con cirurxía menor (fenolización), con anestesia local e sen ingreso.
Teño durezas, calos ou gretas nos talóns
Eliminámolos sen dor nunha sesión de quiropodia e explicámosche por que aparecen: o calzado, a forma de pisar ou a pel seca. Se volven unha e outra vez, revisamos a túa pisada.
Teño fungos nas unllas ou nos pés
As unllas amareladas, engrosadas ou que rompen adoitan ser unha onicomicose. Facemos o diagnóstico, limpamos a unlla e pautámosche o tratamento máis axeitado. Canto antes se trate, antes se resolve.
Teño unha verruga na planta do pé
As verrugas plantares doen ao pisar e contáxianse con facilidade. Tratámolas en consulta con crioterapia ou outros tratamentos, buscando que desaparezan sen deixar cicatriz.
Dóenme os xoanetes ou os dedos
Os xoanetes (hallux valgus) e os dedos en garra ou en martelo provocan rozaduras e dor co calzado. Valoramos o teu caso, aliviamos a presión con palmillas e consellos de calzado e, se fai falla, orientámoste sobre outros tratamentos.
Dóenme os xeonllos, a cadeira ou as costas ao camiñar ou correr
Ás veces a orixe está nos pés. Cun estudo biomecánico da pisada vemos como apoias e, se fai falla, deseñamos palmillas á medida. É moi útil se corres, fas deporte ou pasas moitas horas de pé.
Teño diabete: por que revisar os pés?
A diabete pode reducir a sensibilidade e a circulación, e unha pequena ferida pode complicarse. Facémosche unha exploración completa do pé e os coidados necesarios para previr úlceras. Recomendamos polo menos unha revisión ao ano.
O meu fillo camiña raro ou quéixase dos pés
O pé plano, andar de puntas, meter os pés cara a dentro ou tropezar a miúdo son consultas frecuentes. Revisamos o seu crecemento e a súa marcha e aconsellámosche sobre o calzado.
Estou facendo o Camiño de Santiago e dóenme os pés
Padrón é parada do Camiño Portugués. Se chegas con ampolas, rozaduras, unllas negras ou sobrecarga, chámanos ou escríbenos por WhatsApp e buscámosche oco canto antes para que poidas seguir camiñando ata Santiago.
Cando teño que ir ao podólogo?
Cando che doa o pé ao camiñar, teñas unha unlla encravada, durezas, fungos ou verrugas, se tes diabete ou se fas deporte. E tamén sen dor: unha quiropodia cada 6–8 semanas mantén os teus pés sans.
Onde está a clínica?
Na Rúa Nova 1, baixo, en Padrón (A Coruña), a uns 20 km de Santiago de Compostela. Atendemos pacientes de Padrón e da comarca: Rois, Dodro, Pontecesures, Valga, Teo ou A Estrada. Só con cita previa: chama ao 667 661 193.